ترجمان پاک فوج میجر جنر ل آصف غفور نے مقبوضہ کشمیر میں بھارتی فورسز کے مظالم کی مذمت کرتے ہوئے کہا ہے کہ گولیوں سے نہتے کشمیریوں کی آزادی کی جدوجہد کو روکا نہیں جاسکتا۔
سماجی رابطے کی ویب سائٹ ٹوئیٹر پر جاری پیغام میں مقبوضہ کشمیر میں بھارتی فوج کی ریاستی دہشت گردی کی سخت الفاظ میں مذمت کرتے ہوئے کہا کہ کشمیریوں پر بھارتی مقبوضہ فورسز کی ریاستی دہشت گردی اور لائن آف کنٹرول پر سویلین آبادی کو نشانہ بنانے کا غیر اخلاقی اقدام انتہائی قابل مذمت ہے۔
State sponsored terrorism by Indian Occupation Forces on innocent Kashmiris including unethical targeting of civilian population across LOC are highly condemnable.Bullets can never suppress unarmed brave Freedom Fighters.Indian Army must respect ethics of professional soldiering.
— Maj Gen Asif Ghafoor (@OfficialDGISPR) December 17, 2018
ترجمان پاک فوج کا کہنا تھا کہ بندوق کی گولیاں آزادی کے غیر مسلح بہادر مجاہدین کو کبھی کچل نہیں سکتیں، بھارتی فوج کو پیشہ ورانہ اخلاقیات کا احترام کرنا چاہیے۔
واضح رہےکہ مقبوضہ کشمیر میں بھارتی فوج نے ریاستی دہشتگردی کا مظاہرہ کرتے ہوئے گزشتہ دنوں 11 کشمیری نوجوانوں کو شہید کیا جبکہ بھارتی فوج کے مظالم کے خلاف حریت قیادت نے مقبوضہ وادی میں تین روز ہڑتال کا اعلان کیا ہے۔
