پہلی بار زلمی کے کپتان ‘ڈیرن سیمی خان’ پشاور میں

0
58
Daren sami-in-peshawar
Daren sami-in-peshawar

پاکستان سپر لیگ سیزن فور کے لئے پشاور زلمی کی کٹ اور اینتھم لانچ کی تقریب میں شرکت کے لیے ‘ڈیرن سیمی خان’ خصوصی طور پر پاکستان آ رہے ہیں۔

پشاور چیرمین پشاور زلمی جاوید آفریدی کے مطابق کٹ اور ایتھم لانچ کی تقریب 4 فروری کو گورنر ہاؤس پشاور میں ہوگی جس میں پشاور زلمی کی پوری ٹیم، مینجمنٹ، کوچز اورسپراسٹارز کپتان ڈیرن سیمی، مصباح الحق، مینٹور یونس بھی شریک ہوں گے ۔

جاوید آفریدی کا کہنا ہے کہ ‘ڈیرن سیمی خان’ پاکستانیوں کے پسندیدہ ترین کرکٹر ہیں، پاکستان آمد پر ان کا روایتی انداز میں شاندار استقبال بھی کیا جائے گا۔

جاوید آفریدی کا کہنا ہے کہ انشاللہ وہ دن دور نہیں جب پاکستان سپر لیگ کے میچز پشاور میں بھی منعقد ہوں گے اور پشاور زلمی اپنے ہوم گراونڈ پر اپنے فینز کے سامنے ان ایکشن ہوگی۔

پشاور زلمی کی انتظامیہ نے کٹ اور اینتھم لانچ کی تقریب میں لوگوں کو بھی شرکت کا موقع فراہم کیا ہے اور اس تقریب کے ٹکٹس کی فروخت کل سے شروع ہو گی۔

LEAVE A REPLY

Please enter your comment!
Please enter your name here